Nú á næstu vikum hefjum við að nýju fjölbreytt starf sem hefur áherslu félagsins í ár..

“Ungt fólk til áhrifa” – að leiðarljósi.

Meðal þess sem vænta má eru:

• Fjölbreytt og hagnýt stutt-námskeið (1. kvöld)
• Nýliðanámskeiðið “Félagsleg færni” sem vakti mikla lukku á vormánuðum
• Námskeið í mælsku og flutningi á kynningum
• Landsþing 2010
• of ýmislegt fleira.

Þá mun félagið hittast seinna í þessari viku þar sem félagsmenn sjálfir koma með tillögur og hugmyndir sem við munum kappkosta við að koma á koppinn nú í haust.

Semsagt… fjör framundan á næstu vikum og mánuðum með það sem megin leiðarljós að félagsmenn okkar upplifi gagn af starfinu, upplifi að þeir geri gagn í starfinu og umfram allt, hafi gaman af þáttöku í JCI Reykjavík.

Félagið er eins og ávallt opið öllum á aldri 18-40 ára og endilega sendið okkur línu á netfang félagsins (jcireykjavik@jcireykjavik.is) ef þið sjáið auglýsta hluti sem ykkur finnast áhugaverðir og spennandi að taka þátt í.  Einnig má finna félagið á facebook .

Við hvetjum alla til þess að kynna sér frábæra dagskrá sem inniheldur m.a. námskeið með frábærum erlendum leiðbeinendum, skemmtikvöld, Senatoraferð og glæsilegt afmælishóf.
Dagskrá Landsþings er að finna hér.

Hápunktur þingsins er 50 ára afmælishóf hreyfingarinnar sem haldið verður laugardagskvöldið 25. september í Stapanum/Hljómahöllinni í Reykjanesbæ. Fengin var sjö manna nefnd Senatora sem sér sérstaklega um afmælishófið og eins og sést á dagskránni er óhætt að segja að nefndin hefur unnið frábært störf við að skipuleggja stórglæsilega afmælishátíð.
Nánari upplýsingar og dagskrá afmælishátíðarinnar er að finna hér.

Landsþing er frábær vettvangur til þess að læra meira og kynnast öðrum félögum og ekki má gleyma hinum alþjóðlega vinkli en á þessu Landsþingi er von á ótal mörgum erlendum félögum hvaðanæva að.

Við hvetjum alla félaga til þess að mæta á Landsþing. Þeir sem komast ekki á allt þingið geta haft samband við Huldu á landsthing@landsthing.com til þess að fá upplýsingar um aðra möguleika og skrá sig á einstaka viðburði.

Svarið er einfaldlega… grípandi saga, sögð á eftirminnilegan hátt.

Hvað er það sem gerir sögur grípandi, eftirminnilegar? Er það tilviljun?

Eða er um að ræða uppskrft sem gott sögufólk kann og beitir á áhrifaríkan hátt?

Sögur, sögumennska er elsta kennslutæki mannkynsins, notaðar af foreldrum, ömmum og öfum, kennurum, stjórnendum og leiðtogum af öllu tagi. Sögur hafa gagnast í þúsundir ára til að kenna okkur hegðun, viðhorf, siðferði, að kljást við áskoranir, leysa vandamál… listinn er langur. Sögur skemmta okkur á góðum augnablikum, beina okkur frá slæmum ákvörðunum og forða mistökum… rétt saga á réttu augnabliki getur verið vendipunktur í lífi okkar allra.

Flest okkar upplifa þó þessa tilhugsun… “en ég er engin sögumanneskja”.

Af hverju ekki þú? Enginn upplifir augnablik, viðburði, samtöl eins og þú. Enginn getur tjáð þína innsýn betur en þú.

Grípandi Sögur er námskeið sem hefur einfalt markmið – að efla og leysa úr læðingi sögumanneskjuna þig!

Á námskeiðinu er farið yfir uppskriftina sem gerir sögu grípandi eða ekki – farið er í algeng söguþemu og hvernig við getum gripið á lofti atvik og viðburði úr okkar eigin umhverfi og nýtt sem söguefni í frábærar, grípandi og eftirminnilegar sögur… okkar eigin sögur.

Námskeiðið er fyrir alla sem þurfa að kenna eða leiða fólk, halda kynningar og ræður, ásamt alla sem vilja einfaldlega verða betri og skemmtilegri í mannlegum samskiptum.

Leiðbeinandi er Helgi I. Guðmundsson, CNT leiðbeinandi í JCI Reykjavík.

Námskeiðið er opið fyrir JCI félaga og gesti – hefst kl 20:00 og er um 2 klst.

Hægt er að melda sig á facebook

Hvar: Veitingastaðurinn Baltazar, efri hæð (www.baltazar.is)

Hvenær: Hefst stundvíslega kl 20:00.

Allir eru velkomnir, JCI félagar jafnt sem aðrir áhugasamir.

Sjáumst með sumarskapið og mætum tímanlega.  :-)

Stjórnin.

Fimmtudaginn 13. maí (uppstigningardag) er fyrirhuguð hellaskoðunarferð með leiðsögumanni í Leiðarenda á Reykjanesskaga.

Allir félagsmenn velkomnir, ásamt vinum og ættingjum. Áætlað er að hittast fyrir framan JCI húsið í hellusundi kl. 10:45, en þaðan verður farið með rútu.

Eftir hellaskoðunina munum við grilla saman í Heiðmörk. JCI Reykjavik býður uppá pulsur, hamborgara og gos. Ef vilji er fyrir áfengari drykk eða flottara hráefni á grillið þá er velkomið að taka með sér.

Gestur fundarins er hinn ungi og spræki frumkvöðull Gunnar Hólmsteinn, einn stofnenda og forsvarsmanna Clara ehf, íslensks sprotafyrirtækis sem er að leiða inn mjög ferskar og spennandi nýjungar á sviði markaðsrannsókna á vefnum. (www.clara.is)

Fyrirtækið varð til uppúr þáttöku Gunnars og félaga í keppni Innovit um bestu viðskiptaáætlun fyrir nokkrum árum þar sem þeir höfnuðu í 2.sæti.

Clara ehf hefur verið mjög áberandi í umfjöllun um ung íslensk fyrirtæki og Gunnar sjálfur mjög sjáanlegur, meðal annars komið fram í Kastljósi og á öðrum vettvangi. Hann mun fræða okkur um fyrirtækið og starfsemi í því viðskiptaumhverfi sem Ísland býður uppá í dag.  Einnig mun hann deila með okkur persónulegum hugmyndum og skoðunum um tækifæri ungs fólks í dag og hvernig ungt fólk getur haft meiri áhrif á samfélagið.

Fundurinn hefst kl 20:00 og fer fram á efri hæð veitingastaðarins Balthazar (gamli Kaffi Viktor – www.baltazar.is).

Kaffi verður í boði fyrir gesti.

Sjáumst hress og tímanlega.

Nefndin.

Að þessu sinni er boðið uppá leiðtoganámskeiðið:

“Að laða fram það besta úr fólki: Listin að leiða með hvatningu í stað vogarafls.”

Leiðtogi.  Þetta er hugtak sem við höfum öll skoðun á, höfum öll upplifað og höfum öll hugmyndir um góða og slæma leiðtoga.  Sum þekkja þetta hlutverk, sum okkar hlakkar til að tækla þetta hlutverk en aðrir fyllast kvíða og forðast það með öllum tiltækum ráðum.

Nýliðanámskeiðið “Árangursríkt hópastarf “ hefst kl 17:30 og er til 19:30.  Þetta námskeið er annað skipti af fjögurra skrefa nýliðaferli sem nýlega hófst á vegum félagsins – námskeiðið fer í gegnum 5 þrepa ferli til að umbreyta hópi í einbeitt og árangursríkt teymi.  Námskeiðið er haldið í JCI húsinu, Hellusundi 3 (101 R.vik).

Að þessu námskeiði loknu eru á dagskrá þriðja námskeiðið – “Skilvirkir fundir” – fimmtudaginn 15.apríl og endað verður á námskeiðinu “Að skipuleggja viðburði” föstudaginn 23.apríl.  Jafnframt verður þá inntaka nýliða.

Þessi námskeið eru öll opin áhugasömum um félagsstarfið og að gerast félagsmenn – eina skilyrðið er að vera á aldrinum 18-40 ára.  Einfalt er að óska eftir að bætast í hópinn – sendið okkur tölvupóst á netfangið namskeid@jcireykjavik.is – tiltakið fullt nafn og síma ásamt megin áhugasviði.

Laugardagskvöldið 27.mars býður JCI til Pub-Quiz spurningakeppni í JCI húsinu, Hellusundi 3 – 101 R.vik.

Flestir kannast við Pub-Quiz fyrirkomulagið sem er afar skemmtilegt form og spurningar verða að sjálfsögðu aðeins stílfærðar uppá JCI ásamt fleiru.

Hefst kl 21:00 – Allir velkomnir  (komið með eigin veitingar)